Едицијата 200 НАЈГОЛЕМИ И НАЈУСПЕШНИ оваа година го забележа своето јубилејно 20то издание, во кое како и претходните години се претставени најголемите и најуспешните фирми според соодветните показатели. 

Доколку ги разгледаме приходите на компаниите, односно вкупно остварениот приход од страна на 200те најголеми компании кои беа дел од изминатите изданија, добиваме интересен увид во тоа по кој пат се движи нашата економија, дали имаме пораст или пад на целокупното работење на компаниите. 

Во продолжение на текстот споделуваме графички приказ на тоа како се движеше вкупниот приход во последните 5 години од 2018 до 2022. Главно, забележуваме растечки тренд и покрај тоа што во 2020 година има мало намалување од 5,82% во споредба со 2019 година. Во следните две години вкупно остварениот приход расте, и тоа за 21,11% во 2021 година и 38,75% во 2022 кога приходот изнесуваше 1,137 милијарди денари.

Како што е веќе добро познато, најголемата компанија во сите овие години е странската инвестиција Џонсон Мети која е дел од автомобилската индустрија, а своите производствени погони ги отвори во Бунарџик. Во 2022 вкупниот приход на Џонсон Мети зазема 13,4% од вкупно остварениот приход на 200те најголеми компании. 

Повеќе податоци и информации може да најдете тука, додека за компаниите и нивните податоци кликнете тука.