„ЕУРО-ФАРМ“ ДООЕЛ, Битола, е една од најголемите веледрогерии во Македонија, која се занимава со увоз и трговија со лекови, медицински препарати и козметика. 

Во 2023 година е рангирана на 83. место на листата на најуспешни компании во Македонија, а компанијата може да се пофали дека има над 250.000 лојални клиенти.

Повеќе од 12 години горд член на семејството на 200 НАЈГОЛЕМИ И НАЈУСПЕШНИ 

Повеќе од 20 години „ЕУРО-ФАРМ“ е синоним за квалитетни лекови, медицински препарати, помагала и козметика по најпристапни цени.

Оваа компанија е доказ дека кога постојано работите напорно на градење на доверливост, преку постојано кревање на стандардите на услугата што ја давате, успехот е неминовен.

Токму заради тоа, „ЕУРО-ФАРМ“ веќе 12 години е горд член на семејството на 200 НАЈГОЛЕМИ И НАЈУСПЕШНИ компании во Македонија.

Компанијата во 2023 година остварила вкупен приход од 3.406.649.586 денари и вкупна добивка пред оданочување од 37.470.216 денари.

Процентуално, компанијата забележала раст на приходите за 5,29%.

Во 2023 година има и мал раст на бројот на вработени во споредба со претходната година, па така таа година, компанијата обезбедувала сигурна егзистенција за 93 вработени.

Повеќе од 20 години посветена работа и грижа за здравјето на клиентите

Компанијата на македонскиот пазар постои повеќе од 20 години и претстаува синоним за модерна, препознатлива, лојална и општетсвена компанија.

Водејќи се од мотото „Ние постоиме за да се грижиме за вашето здравје“, „ЕУРО-ФАРМ“ во последните дваесетина години прерасна во лидер во аптекарската дејност во Македонија.

Компанијата беше основана во декемри 2000 година, а благодарение на посветената работа и истрајноста, денес поседува 121 аптека кои се распоредени на територијата на цела Македонија.

Со ваквата поставеност, а и со отворањето на онлајн аптеката, компанијата придонесува квалитетните лекови, медицински препарати и козметика да бидат достапни за секој граѓанин во земјата.

Генерален застапник на повеќе од 20 партнери во фармацевтската индустрија

Денес „ЕУРО-ФАРМ“ е застапник на повеќе од 20 партнери во фармацевтската индустрија, меѓу кои и канадскиот гигант Jamieson Vitamins, кој во светски рамки е препознатлив по квалитетните витамински и минерални суплементи во исхраната.

Исто така компанијата е застапник и на природните суплементи за имунолошкиот систем на германската компанија Dr.Wolz, како и на светски реномираниот производител на фармацевтски производи, ортопедски помагала и опрема за фитнес и рехабилитација Fysioline, којшто ја претставува револуционерната палета на производи ICE POWER, кои благодарение, токму на „ЕУРО-ФАРМ“, повеќе од 15 години се присутни на нашиот пазар.

Ова се само дел од некои од најпознатите партнери од компанијата, коишто прават таа да биде препознатлива по нив.

Квалитетна програма за лојалност и поткревање на свеста за грижата за здравјето

Освен по квалитетните производи што ги нуди за своите потрошувачи, аптеките на „ЕУРО-ФАРМ“ во последните 10 години станаа препознатливи и по добро развиената програма за лојалност.

„ЕУРО-ФАРМ клуб картичките“ веќе 10 години се препознатлив бренд којшто им овозможува на лојалните потрошувачи во овие аптеки да купуваат на попуст.

Редовните клиенти знаат дека секој месец „ЕУРО-ФАРМ“ објавува листа на производи кои може да ги набават по намалени цени, а за да го направат тоа, доволно е само да ја покажат својата „ЕУРО-ФАРМ клуб картичка“ при купувањето.

Во последните 10 години, „ЕУРО-ФАРМ“ има поделено повеќе од 200.000 клуб картички, а услугите на овие аптеки во Македонија ги користат повеќе од 250.000 лојални клиенти, бројка што во ниту еден случај не е за занемарување и е доказ за довербата што компанијата успеала да ја изгради кај своите потрошувачи.

Грижата за здравјето на своите потрошувачи „ЕУРО-ФАРМ“ ја докажува и со редовната публикација насловена „Семејно здравје“, која што освен што е достапна во печатена форма, во секое време можете да ја симнете и во ПДФ формат на веб страницата на аптеките на компанијата.

Публикацијата опфаќа голем број интервјуа со стручни лица, професионалци, како и текстови уредени и напашани од професионални здравствени работници, а чијашто главна цел е едукација и поттикнување на поголема свест кај граѓаните за грижата за здравјето.

Оттука, станува јасно дека големината и успехот на „ЕУРО-ФАРМ“ во голема мера се должи на тоа што нивното главно мото „Ние постоиме за да се грижиме за вашето здравје“ е инкорпорирано во сите сегменти на работењето на компанијата.

Преку дистрибуирање и продажба на квалитетни лекови од некои од најпознатите светски брендови, преку примамливи попусти и квалитетна програма за лојалност, но и бесплатни совети и споделување на важни информации, јасно е дека зад брендот „ЕУРО-ФАРМ“ стојат вистински професионалци, кои се посветени на грижата за добросостојбата на своите клиенти и потрошувачи.