Еуро Табак – 20 години искуство во секторот на дистрибуција и продажба

Еуро Табак се наоѓа на листата на 200 најголеми и најуспешни компании во Македонија уште од првото издание на едицијата, поточно уште од 2003 година.

За 2021 година успеаа да го забележат 37 место на листата на најголеми компании рангирани според остварен вкупен приход. Успеаа да го зголемат приходот од 4.896.695.126 денари на 5.011.724.567 денари што преставува раст од 2.35%.

Дистрибуцијата претставува еден од клучните елементи на процесот на продажба на производите. ЕуроТабак е компанија која се стреми кон совршена, навремена и точна дистрибуција на производите до крајните потрошувачи, преку различните канали на дистрибуција. Позиционирањето на македонскиот пазар како лидер во дистрибуцијата и логистиката, ја постави и потребата за континуран раст и развој од аспект на човечки ресурси, технологија и маркетинг, со кој се постави и стандардот на работењето во овој сектор.

Еуро Табак располага со 145 професионалци за продажба и дистрибуција во 15 дистрибутивни центри низ Македонија. Магацинскиот капацитет од 5,000 m2 на територијата на Македонија е со посебни температурни режими и различни видови на складирање што ги исполнуваат највисоките стандарди во оваа дејност.

Еуро Табак поседува 87 возила за достава на производите, oпремени со најсовремена опрема за следење на возилата и рут планирање на доставата. Возниот парк постојано се обновува, а со оглед на потребите за дистрибуција, вклучува и возила со посебен систем за ладење за пренос на производи кои имаат потреба од температурен режим.

Продажбата како една од основите во оваа индустрија е таа која ги зајакнува процесите на квалиетна дистрибуција на производите до продажните места. Земајќи го предвид долгогодишното искуство на менаџерскиот тим за продажба и продажната сила од 145 професионалци, војнички прецизно го затвораат процесот на продажба на производите, не само до продажните места, туку и до крајните потрошувачи.