ФИЛИП МОРИС ТУТУНСКИ КОМБИНАТ ПРИЛЕП – иновации кои ја менуваат тутунската индустрија

Компанијата Филип Морис Тутунски Комбинат Прилеп (ФМТКП) која во 2014 година беше формирана како заедничка компанија на тутунскиот гигант Филип Морис Интернешнал (ФМИ) и Тутунски Комбинат Прилеп (ТКП), денес е успешно етаблирана во македонската економија и покажува одлични резултати. Ова стратешко партнерство не само што ја донесе најголемата тутунска компанија во светот на македонскиот пазар, туку придонесе Тутунски комбинат АД Прилеп, денес да биде успешна компанија.

За 2022 година успеаа да го зголемат својот вкупен приход, а исто така и вкупната добивка пред оданочување. Па така се најдоа на 110 место на листата на НАЈГОЛЕМИ компании (рангирани според приходот) и на 31 место на листата на НАЈУСПЕШНИ (рангирани според вкупната добивка пред оданочување). 

Започнувајќи од 2015 година, ви презентираме како се движел нивниот приход низ годините до ден денес.

ФМТКП пред две години на македонскиот пазар го донесе и иновативниот уред IQOS со кој возрасните пушачи во земјата кои не сакаат да се откажат од пушењето добија можност да изберат помалку штетна алтернатива од цигарите. Науката изградена на заеднички пристап и експертиза во областите на хемијата, биологијата, информатиката и медицината но исто така инспирирани од фармацевтската индустрија, го создаде овој револуционерен производ. 

Иновативниот уред е резултат на работата и посветеноста на над 980 врвни научници и експерти, во што се инвестирани повеќе од 9 милијарди долари. 

Тутунската индустрија е сведок на големи промени, а ФМТКП останува лидер на тие промени.