Под покровителство на БРАКО, Green Machines стана глобално препознатлив бренд за производство на возила за чистење на јавни површини. Овие еколошки машини, произведени во Велес, денес чистат улици во Лондон, Амстердам, Виена, Париз, Мадрид и други светски метрополи.

Green Machines е повеќе од производ – тоа е иновативна платформа што комбинира еколошка технологија, ергономски дизајн и инженерска прецизност. Последниот модел – GM 500 H2, претставува првата чистачка машина во светот со водороден погон, создадена од нула од македонски инженери во БРАКО.

Со 95% извоз и присуство на пет континенти, Green Machines ја покажува способноста на македонските компании да креираат производи со глобален импакт, при тоа задржувајќи ја целата вредност и know-how во земјава.