Главна област на работење на компанијата е градежништвото, а како најголем индикатор за реномето на Илинден АД како исклучително квалитетна компанија се големиот број на успешно завршени проекти. 

Денес, компанијата располага со свој каменолом и сепарација, две асфалтни бази, две бетонски бази, голем број на возила и градежни машини, производствен погон за градежни елементи како и друга опрема и средства.

Илинден АД Струга со своето посветено работење се вбројува како една од најдобрите компании во Македонија и е дел од 200 НАЈГОЛЕМИ И НАЈУСПЕШНИ уште од самите почетоци на проектот, односно од 2003 година кога се рангира на 105 место според добивката пред оданочување. Низ годините забележуваме постојан раст на компанијата, а во последните неколку години таа успеа да се искачи дури и помеѓу првите 50 најуспешни компании според добивка пред оданочување. 

Од 2003 година па наваму, односно заклучно со 2021 година компанијата го има зголемено тројно бројот на вработени лица. Во декември 2021 година просечниот број на вработени во Илинден АД бил 152 лица.