Кои се 200 НАЈГОЛЕМИ И НАЈУСПЕШНИ економски играчи во Македонија - Ново печатено издание

200 НАЈГОЛЕМИ И НАЈУСПЕШНИ е бренд кој повеќе од две децении е незаменлива алатка во бизнис работењето, која нуди сеопфатни и детални податоци за македонската економија – едиција која има за цел да ги афирмира македонските компании и претпријатија пред меѓународниот пазар.

Еуро Бизнис Центар – Скопје, како издавач и реализатор на едицијата 200 НАЈГОЛЕМИ И НАЈУСПЕШНИ со задоволство ви најавува дека е издадено новото 22-ро по ред, печатено издание на едицијата.

Во него на едно место може да се најдат голем број податоци за македонските компании, рангирани врз основа на релевантни финансиски параметри, кои се добиени од овластени финансиски институции во Република Македонија.

Во новото печатено издание на 200 НАЈГОЛЕМИ И НАЈУСПЕШНИ ќе имате можност да проследите како котираа македонските компании врз основа на остварените приходи, но и врз основа на добивката пред оданочување.

Исто така, ќе имате можност да добиете информации за новите проекти, производи и воопшто за малите и големите тајни за успех кои им овозможуваат да бидат конкурентни како на домашниот, така и на меѓународниот пазар.

Освен деталниот приказ на фирмите, нивната дејност, асортиманот на производи и финансиските параметри, новото издание на 200 НАЈГОЛЕМИ И НАЈУСПЕШНИ опфаќа и листа на банките и осигурителните компании и голем број други податоци и осврти за македонската економија и стопанството.

200 НАЈГОЛЕМИ И НАЈУСПЕШНИ е издание што на едно место ви дава увид за најголемите македонски двигатели на економијата и е неизоставен дел и вредна алатка во секојдневното работење во бизнис секторот.

Тоа ви дава релевантни информации за тоа кои се 200 НАЈГОЛЕМИ И НАЈУСПЕШНИ економски играчи во земјава, коишто со својата работа придонесуваат за целокупниот развој на македонската економија, но и дополнителни релевантни информации коишто ќе ви бидат од корист во секојдневното работење и во претставување на вашата компанија.

Новото издание на едицијата, традиционално и годинава имате можност да го нарачате на македонски и англиски јазик, како и во дигитална форма.