Лидерот во трговија на големо со компјутери и компјутерска опрема - Инграм Микро

Се работи за релативно млада компанија која на пазарот во Македонија е само 8 години, но e дел од глобалната инфраструктура на Инграм Микро која е со седиште во САД и работи во 61 земја.

Сепак успехот на Инграм Микро во Македонија е значителен и за брзо таа успева да стане дел од најголемите компании и да се рангира на листата на 200те најголеми според вкупен приход.

Првата година во која Инграм Микро влегува на листата е 2021ва како 164ти најголем субјект со вкупно остварен приход од 1,4 милијарди денари, додека добивката пред оданочување изнесуваше 30,6 милиони денари.

Со 25,26% зголемување на приходите, односно 1,8 милијарди денари остварени како приход, Инграм Микро и во 2022 година го задржа своето рангирање на листата како 164та компанија.

Главната дејност на компанијата е трговија на големо со компјутери, компјутерска периферна опрема и софтвер, а во рамките на 200те најголеми и најуспешни, Инграм Микро има неколку конкуренти кои се дел од листите. Меѓу нив се најдоа Ассеко СЕЕ, Паком Компани и Инфософт. Сепак, најголем успех има остварено Инграм Микро и останува како најголема компанија во рамки на дејноста. По неа е Паком Компани која е рангирана како 197ма на листата на најголеми и има остварено 15,6% пониски приходи, додека Ассеко СЕЕ и Инфософт се дел од листите на најуспешни компании, но нивните приходи се исто така значително пониски од приходот на Инграм Микро. Лидерската позиција во оваа дејност и припадна на Инграм Микро и во 2021 година.