Македонско-италијанската компанија Ери Цорпоратион дел од 200 НАЈГОЛЕМИ И НАЈУСПЕШНИ

Ери Цорпоратион ДООЕЛ е компанија која во Македонија постои од 2015 година, а нејзина главна дејност е производство на модерни рекуперативни и регенеративни топлотни изменувачи наменети за вентилациони системи во резиденцијални и индустриски објекти.

Компанијата е дел од европската групација Eri Corporation S.r.l со седиште во Италија, а која има свои канцеларии во Германија, Шпанија, Англија и Италија.

Се работи за компанија која важи како еден од најголемите производители во својата дејност, чии производи се произведени и по највисоки меѓународни стандарди за квалитет.

Помеѓу 200те најголеми и најуспешни компании за прв пат се појави во 2019 година кога влезе на листата на најуспешни рангирана на 80тото место со остварена добивка пред оданочување од 166,2 милиони денари. Тука има значително зголемување од 244,05% во однос на 2018 година.

Следи година со намалување на добивката, меѓутоа рангот на компанијата е подобар во однос на претходната и таа се најде на 71вото место. Во 2021ва година исто така е забележлив пад на добивката и компанијата е рангирана како 117та најуспешна во рамките на овие листи, но веќе во 2022ра има значително подобрување и пораст на добивката о д 76,42% и се рангира како 68ма најуспешна со остварена добивка пред оданочување од 222,2 милиони денари.

Од друга страна пак, приходот на компанијата бележи видлив раст и во 2022ра изнесувал 1,3 милијарди денари. Што се однесува до бројот на вработени, пак, компанијата имала 238 вработени лица во текот на годината. Повеќе податоци за нив може да најдете тука.