Најголемите дистрибутери на храна и пијалаци во 2022 година

Во текстот подолу е прикажана и табелата со финансиските резултати на овие компании, каде што може да видиме каква беше ситуацијата со трговците на големо во 2022. 

Првата компанија во оваа дејност, која беше рангирана и како 55та на листата на најголеми е Еуро Табак со 5,1 милијарда денари остварен вкупен приход. По неа следи уште еден од домашните гиганти, рангиран како 75та најголема и 169та најуспешна компанија, а тоа е Даути Комерц. Нивниот вкупен приход изнесуваше 3,7 милијарди денари, а добивката пред оданочување 103,3 милиони денари.

На трето место се најде Гемак Траде со вкупно остварен приход од 2,5 милијарди денари, а на ранг листата беше позиционирана како 108ма компанија. Нешто подолу, на 117то место, е Нелт СТ ДООЕЛ со вкупен приход од 2,4 милијарди денари. Нелт СТ ДООЕЛ е исто така дел и од листата на најуспешни компании рангирана како 191ва со 97,4 милиони денари добивка пред оданочување. 

Следи Адријус ДОО со 2,3 милијарди денари вкупни приходи, рангирана веднаш по Нелт СТ, односно на 118то место, а според остварената добивка влезе дури во првите 100 компании како 77ма со вкупен износ на добивката од 207,1 милиони денари. 

По нив, на 129то место се рангираше Колид Фудс со 2,18 милијарди денари вкупен приход, а потоа е Рудине на 131во место со 2,09 милијарди денари остварен приход. 

На последните две места се најдоа Кола ДООЕЛ со 1,9 милијарди денари вкупен приход и Колид С Тим ДООЕЛ со 1,7 милијарди денари вкупен приход. Колид С Тим се рангираше и помеѓу најуспешните компании со својата добивка од 135,5 милиони денари и тоа како 128ма компанија.

Во поглед на добивката пред оданочување, најуспешна компанија во рамки на оваа дејност беше Адријус ДОО рангирана како 77ма најуспешна, додека последното место го зазема Нелт СТ ДООЕЛ рангирана на 191вото место на листата. 

Повеќе вакви анализи можете да пронајдете тука, додека ранг листите со сите податоци за компаниите се достапни на овој линк.