Среда, 21 Февруари 2024
Дома Клуб 200 Новости Анализи За Нас Контакт

Новости

Најголемите играчи на пазарот на труд во Македонија

Еден од повеќето важни аспекти на кои влијаат најголемите и најуспешните компании, а со тоа придонесуваат кон пораст на македонскиот стандард и општо на економијата, е вработеноста.

Добар дел од компаниите кои се рангирани на листите на 200 најголеми и 200 најуспешни се и странски директни инвестиции кои во своите погони вработуваат и по неколку илјади луѓе. Но, тука се и домашните компании кои не заостануваат и се вбројуваат како едни од најголемите работодавци на пазарот. 

Во оваа анализа ги прикажуваме 50те најголеми работодавци за 2022 година. Целосната листа е на сликата во текстот подолу, а останатите податоци за бројот на вработени се достапни на порталот. 

Како што може да се забележи, најголем работодавец минатата година беше германскиот гигант Кромберг и Шуберт Македонија Бт ДООЕЛ, компанија за кабелски снопови за автомобилската индустрија која е лоцирана во индустриската зона во Битола. Во 2022 година тука работеле дури 6270 луѓе. Втора на листата е ДММ Дрекслмајер Мануфактуринг Македонија ДООЕЛ која исто така се занимава со производство на опрема за потребите на автомобилската индустрија. Станува збор исто така за странска директна инвестиција која минатата година имала 6213 вработени. 

Понатаму следна на листата е АД ЕСМ, која е во државна сопственост а главна дејност на компанијата е производство на електрична енергија. Во ЕСМ минатата година биле вработени 4258 лица. 

На 4тото и 5тото место на листата на најголеми работодавци се повторно странски директни инвестиции кои исто како и претходните се занимаваат со производство на опрема за автомобилската индустрија. На 4то место е Амфенол Технолоџи, лоцирана во Кочани, каде работеле 2535 лица, а на 5тото место е Гентерм Северна Македонија ДООЕЛ од Прилеп. Во Гентерм биле вработени 2322 лица.


Заклучуваме дека и покрај се, сепак најголемите вработувања се во компаниите кои се странски инвестиции, а како дејност во која се вработени најмногу луѓе е автомобилската индустрија, односно производство на разна опрема за нејзините потреби. 


Универзал Комерц, најуспешната компанија во трговија со хемиски производи за 2022

Универзал Комерц, компанија специјализирана за увоз и трговија со хемиски производи, бои и лакови, на пазарот во Македонија постои од 1990 година, а исто така е дел и од 200те најуспешни компании.

Традицијата продолжува: најголемите и најуспешните винарии во Македонија во 2022

Традиционално, во чест на денот на виниото, и оваа година ги претставуваме винариите кои се пласираа меѓу 200те најголеми и најуспешни компании во 2022 година.

Вековна винска традиција од македонското поднебје – ВВ Тиквеш

Долги 139 години Тиквеш ги произведува врвните вина од најдоброто грозје од тиквешијата кои се познати низ целиот свет.
Годишно издание

The “200 Largest and Successful” review is very helpful for us from the international community. Indeed, the French Embassy is always looking for useful economic indicators and your review allow us to be well informed and to easily identify the most important economic agents of the Macedonian market. Your publication is also one of the best to stay up-to-date with Macedonian fast-moving economy and we are pleased to receive each new edition.

Laurence Auer, Амбасадорот на Франција во Скопје

Учесници
Соработници

Користиме колачиња (cookies) за да Ви овозможиме најдобро искуство на нашиот сајт