Пуцко Петрол - Повеќе од три децении традиција и стабилен раст

Во динамичниот енергетски сектор во Македонија, една од компаниите што со години гради стабилна позиција на пазарот е Пуцко Петрол од село Пласница.

Со повеќе од три децении искуство, компанијата успеа да се позиционира како значаен снабдувач со нафта и нафтени деривати, градејќи репутација базирана на доверба, квалитет и професионалност.

Во 2024 година, компанијата продолжи да остварува стабилен раст, а тоа го покажуваат и финансиските параметри.

Благодарение на остварениот профит и добивка, компанијата се позиционира на 59. место на ранг листата на најголемите македонски компании и на 20. место на ранг листата на најуспешните.

Според податоците од Централниот Регистар на Република Северна Македонија, Пуцко Петрол во 2024 година остварил вкупен приход од 4.860.939.807 денари и добивка пред оданочување од 903.702.749 денари.

Со други зборови, во однос на претходната година, компанијата забележала раст на приходите за 19,43% и раст на добивката пред оданочување за 112, 55%.

Во текот на годината компанијата оперирала со околу 169 вработени.

На што се должи нејзиниот развој?

Почетоци и развој на компанијата

Компанијата е основана во турбулентните времиња на минатиот век, 1992 година со седиште во Пласница, Северна Македонија.

Првата бензинска станица била отворена токму таму, со што започнува приказната за растот и развојот на брендот.

Со текот на годините, компанијата континуирано го проширува својот бизнис и мрежата на бензински станици низ земјата.

Денес компанијата има околу 9 бензински станици кои се стратешки распоредени во некои од поголемите градови во Македонија, како Скопје, Охрид, Прилеп...

Во овие продажни објекти покрај горива, на потрошувачите им се нудат и други квалитетни производи наменети за широка потрошувачка.

Преку посветена работа и стратешки партнерства, компанијата изгради стабилна позиција во енергетскиот сектор. Особено значајна е соработката со брендот OKTA, која придонесува за сигурност и квалитет на горивото.

Доверлив партнер на институции и компании

Денес, Пуцко Петрол соработува со повеќе од 1.500 компании и институции кои ги користат нивните производи и услуги.

Меѓу нивните клиенти се вбројуваат:

• државни институции,
• јавни претпријатија,
• министерства,
• универзитети,
• училишта,
• градинки,
• приватни компании и
• дипломатски претставништва.

Овој широк спектар на клиенти претставува потврда за довербата која компанијата ја има изградено на пазарот и за нејзината способност да одговори на потребите на клиентите во однос на трговијата на големо со цврсти, течни и гасовити горива и слични производи.

Визија за регионален лидер

Стратешката визија на компанијата е да стане водечка нафтена компанија во регионот и да остане прв избор на купувачите.

Во таа насока, компанијата постојано работи на проширување на мрежата на бензински станици, подобрување на услугите и воведување на современи технологии во работењето.

Мисијата на компанијата е да ги задоволи потребите на клиентите, да обезбеди висок квалитет на производите и да одржува стабилен и ефикасен систем на управување.

Квалитет, стандарди и одговорност кон животната средина

За да го гарантира квалитетот на своите услуги и производи, компанијата поседува меѓународни сертификати за управување со квалитет и заштита на животната средина – ISO 9001 и ISO 14001.

Овие стандарди ја потврдуваат посветеноста на компанијата кон постојано подобрување на процесите, како и кон одговорно и одржливо работење.

Покрај сертификатите, согласно важечкото законодавство на земјата, компанијата поседува важечки лиценци за:

• Трговија со нафта и нафтени продукти и био-гориво на домашниот пазар и во странство;
• Промет на мало со нафта и нафтени деривати преку подружници или отворени бензински станици;
• Лиценци за складирање гориво во сопствени изградени складишта лоцирани во с. Пласница;
• Дозвола за превоз на опасни материи;
• Лиценца за вршење јавен превоз во домашниот сообраќај;
• Лиценца за увоз и извоз на нафта и нафтени продукти.

Компанија која гледа кон иднината

Со долгогодишно искуство, професионален тим и јасна стратегија за раст, Пуцко Петрол продолжува да инвестира во модерни технологии, проширување на својата инфраструктура и подобрување на услугите за клиентите.

Токму комбинацијата од традиција, стабилност и иновации ја прави Пуцко Петрол еден од значајните играчи во енергетскиот сектор во Македонија, со амбиција да ја прошири својата позиција и на регионално ниво.

Компанијата е долгогодишен член на семејството на 200 НАЈГОЛЕМИ И НАЈУСПЕШНИ.

Профилот на компанијата можете да го погледнете на следниот ЛИНК.