ЦЕРМАТ - најуспешна компанија за производство на сладолед

Цермат ДОО е компанија основана во приватна сопственост во 1995 година чија главна дејност е производство на сладолед и на замрзнати производи. Оваа приказна започнува во Битола, меѓутоа денес е веќе лидер во регионот во својата дејност. 

Своето делување, низ годините Цермат го проширува на три континенти и постојано инвестира во изработка на нови и уникатни форми и вкусови како и во висока технологија во своето секојдневно работење. Според дејноста, Цермат е единствена компанија за производство на сладолед во Македонија. 

Речиси три децении присутна на пазарот, а 11 години во 200 НАЈГОЛЕМИ И НАЈУСПЕШНИ, успехот на Цермат е нешто што не може а да не се забележи. Податоците покажуваат дека компанијата секоја година има се подобри резултати и секоја година се рангира помеѓу најуспешните компании во Македонија согласно добивката пред оданочување. 

Во 2021 година Цермат беше рангирана на високото 67мо место на листата на најуспешни компании со добивка од 190 милиони денари, а просечниот број на вработени беше близу 150 луѓе.