Фирмата Емша Шпед ДООЕЛ е основана 1999 година од страна на сегашниот сопственик Г-нот Емшов Марјан.

Фирмата започна да работи како мала транспортна компанија која поседува само 1 камион, а денес фирмата поседува повеќе од 200 камиони и има голем број на партнери од Македонија, од соседните држави и од цела Европа.

Денес главната дејност на фирмата е транспорт на секаков вид на добра и располага со секаков вид на камиони, и тоа: камиони влекачи, влекачи со приколица, мега камиони кои може да се поврзат со обични и мега приколици, троосовински камиони за транспорт на добра потешки од вообичаените утовари (27-30 тони) итн…

Нивната работа се одликува со ефикасност, навременост и точност. Повеќегодишното искуство во областа на транспортот, искусните транспорт планери и професионалните возачи се уште еден адут за успешна и плодна работа веќе 22 години.

Уште еден доказ за нивната долгогодишна и успешна работа е тоа што се избрани за една од 200 најголеми и најуспешни фирми во Македонија, врз основа на финансиските податоци од Централен Регистар на Македонија од 2011 година до 2020 година. Погледнете го нивниот раст ТУКА. 

Сето тоа ги прави стабилна и конкурентна меѓународна компанија за транспорт и шпедиција која секојдневно го зголемува обемот на својата работа и со тоа ја зајакнува позицијата на пазарот.