Порше Македонија во нашата држава се наоѓа помеѓу 200те најголеми и најуспешни компании уште од 2006та година. 

Порше Македонија е лидер на автомобилскиот пазар со најголем удел во пазарот на нови возила. Успехот не се должи само на моќта на врвните брендови кои се застапуваат и нивниот изграден и препознатлив имиџ, туку и на посветениот начин на работа на локалниот тим и грижата за клиентите. Неприкосновениот квалитет на производите и услугите, постојаните надградувања и подобрувања се главната конкурентска предност на што се темели лидерската позиција на автомобилскиот пазар.

Во 2022 со успехот кои го постигнаа се најдоа повторно во клубот на престижните. Успеаа да го заземат 77то место на најголеми и 109то место на листата на најуспешни компани за годината. Исто така позитивни резулатати забележуваат и во нивната добивка пред оданочување. Имено забележале вкупна добивка пред оданочување од 155.811.891 денари, а со тоа и раст од 27.87% во споредба со минатата година. 

Во Порше Македонија денес работат над 100 вработени, со тенденција за понатамошно ширење на тимот. Компанијата преку програмите за развој и усовршување на кадрите и постојаната размена на информации, овозможува континуирано подобрување на квалитетот на работата.

Скоро прославија и 75 години од брендот Porsche. Движени од соништата, возилата на брендот Porsche низ годините се во сѐ поголем број, благодарение на високото ниво на квалитет и врвната пост-продажна услуга од страна на нивната компанија. Преку прославата, Генералниот Директор Златко Муцунски изјави дека сакаат да фрлат поглед кон историјата, додека смело гледаат и се движат кон иднината.