Еуролинк - најуспешна осигурителна компанија за 2021

Проектот 200 НАЈГОЛЕМИ И НАЈУСПЕШНИ веќе 11 години ги рангира банките и осигурителните компании според прикажаните параметри и нивната успешност.

Една од најдобрите осигурителни компании која делува на нашиот пазар е Еуролинк Осигурување АД Скопје.

Еуролинк Осигурување АД Скопје е компанија за неживотно осигурување формирана во 2002 година со странски капитал. Во 2020 година компанијата е превземена во целост од интернационалната групација со долга осигурителна традиција, GRAWE.

Еуролинк Осигурување согласно податоците со кои располага 200 НАЈГОЛЕМИ И НАЈУСПЕШНИ е втора најголема компанија во Македонија и оваа позиција компанијата ја задржува речиси секоја година. Рангирањето е направено согласно бруто полисираната премија која ја остваруваат осигурителните компании. Додека пак успешноста е според добивката пред оданочување.

Огромен успех забележуваме во работењето на компанијата во последното издание во кое се прикажани податоци за 2021 година, кога Еуролинк се искачува на првото место како најуспешна компанија во Македонија со остварена добивка пред оданочување од над 100 милиони денари.

Бројот на лица кој компанијата го вработува се движи околу 200. Заклучно со декември 2021 во Еуролинк биле вработени 199 лица.